अब विद्यालयमा क्वारेन्टाइन र आइसोलेसन बनाउन नपाइने

लाल्टिन खबर ,
प्रकाशित: २०७७ साउन १५, बिहीबार  
अब विद्यालयमा क्वारेन्टाइन र आइसोलेसन बनाउन नपाइने

काठमाडौँ । अबदेखि विद्यालयलाई क्वारेन्टाइन र आइसोलेसन बनाउने नपाइने भएको छ ।  शिक्षा विज्ञान तथा प्रविधि मन्त्रालयको प्रस्तावमा मन्त्रिपरिषद्को बैठकले विद्यालय भवन र परिसरमा क्वरेण्टीन र आइसोलेसन बनाउन नपाउने निर्णय गरेको हो ।

यसअघि क्वरेन्टाइन र आइसोलेन बनाएका विद्यालयलाई सम्बन्धित पालिकाले पूर्णरुपमा निर्मलीकरण गर्नै पर्ने पनि निर्णय भएको अर्थ एवं सञ्चार तथा सूचना प्रविधि मन्त्री डाक्टर युवराज खतिवडाले जानकारी दिए । 

यस्तै शैक्षिक सत्र २०७६/७७ को नतिजा प्रकाशन गर्ने, भदौ १ गतेदेखि विद्यार्थी भर्ना गरेर कक्षागत रुपमा विवरण यकिन गर्ने, पाठ्यपुस्तक वितरण गर्ने र शिक्षकहरु विद्यालय पुगिसक्नु पर्ने पनि सरकारले निर्णय गरेको छ  ।  

प्रतिकृया दिनुहोस्

सम्बन्धित समाचार