साउन ८ देखि विद्यार्थी भर्ना अभियान सञ्चालन गर्ने सरकारको निर्णय

लाल्टिन खबर ,
प्रकाशित: २०७७ साउन ६, मङ्गलबार  
साउन ८ देखि विद्यार्थी भर्ना अभियान सञ्चालन गर्ने सरकारको निर्णय

काठमाडौँ । साउन ८ गतेबाट विद्यार्थी भर्ना खुलाउने सरकारको निर्णय गरेको छ । सरकारले साउन पहिलो हप्तापछि विद्यार्थी भर्नाका लागि प्रारम्भिक तयारीको प्रक्रिया सुरु निर्णय गरेको हो ।

सोमबार साँझ बसेको मन्त्रिपरिषद्को बैठकले उक्त निर्णय गरेको हो । बैठकले तत्काल विद्यालयहरु नखोल्ने तर अभिलेखिकरणको प्रक्रिया अगाडि बढाउने निर्णय गरेको जनाइएको छ ।

त्यसका लागि साउन ८ गतेबाट १५ गतेसम्म सामुदायिक विद्यालयका शिक्षकहरुलाई विद्यालय पुग्नु पर्नेछ । तर कतिपय विद्यालयहरुमा क्वारिन्टन समेत भएको हुँदा त्यसका लागि व्यवस्थापनको तयारी गर्ने निर्णय समेत बैठकले गरेको जनाइएको छ ।

बैठकले भदौ १ गतेदेखि हवाई उडान समेत खोल्ने निर्णय गरेको छ भने एक जिल्लाबाट अर्को जिल्लामा छोटो दूरीका बस चलाउन दिने निर्णय समेत गरेको छ ।
 
 

प्रतिकृया दिनुहोस्

सम्बन्धित समाचार