वाग्मती प्रदेशले बाढीपहिराबाट मृत्यु हुनेको परिवारलाई एक लाख राहत

लाल्टिन खबर ,
प्रकाशित: २०७७ असार २८, आइतबार  
वाग्मती प्रदेशले बाढीपहिराबाट मृत्यु हुनेको परिवारलाई एक लाख राहत

काठमाडौँ । वाग्मती प्रदेशले वाग्मती प्रदेशअन्तर्गत पहाडी जिल्लामा पहिराका कारण मृत्यु  भएका २५ परिवारलाई  एक लाख राहतस्वरुप  तुरुन्तै उपलब्ध गराइने निर्णय गरेको छ ।

प्रदेश मुख्यमन्त्री तथा मन्त्रिपरिषद्को आज बसेको बैठकले बाढीपहिराबाट घाइते भएका व्यक्तिलाई तत्काल उद्धार गरिने, जोखिममा रहेका परिवारलाई अन्यत्र बसोबासका लागि सम्बन्धित जिल्लाका विपद् व्यवस्थापन समन्वय समितिलाई सक्रिय तुल्याइने तथा प्रदेश सरकारका तर्फबाट आवश्यक स्रोतसाधन उपलब्ध गराइने पनि निर्णय गरेका मन्त्रिपरिषद्का प्रवक्ता कैलाशप्रसाद ढुङ्गेलले जानकारी दिए ।

उनका अनुसार आगामी साउन २ गते बस्ने प्रदेशसभाको बैठकमा प्रदेशमा आर्थिक कार्यविधि ऐनको प्रथम संशोधन २०७७ को मस्यौदा र वातावरण संरक्षण गर्न बनेको अध्यादेश २०७७ पेश गरिने छ ।  

प्रतिकृया दिनुहोस्

सम्बन्धित समाचार