काभ्रेपलान्चोकमा जमिनमुनि भेटिएका महत्त्वपूर्ण सम्पदा जियोफिजिकल सर्भे गरिने 

लाल्टिन खबर ,
प्रकाशित: २०७६ फागुन १५, बिहीबार  
काभ्रेपलान्चोकमा जमिनमुनि भेटिएका महत्त्वपूर्ण सम्पदा जियोफिजिकल सर्भे गरिने 

काठमाडौँ । पाँचखाल क्षेत्रमा खोज, उत्खननका क्रममा भेटिएका सम्पदा सामग्री तथा स्तम्भ लिच्छविकालीन र मध्यकालीन ऐतिहासिक सम्पदा भएपछि जियोफिजिकल सर्वे गरिने भएको छ ।

विभागका महानिर्देशक दामोदर गौतमको अनुसार ,‘सबै सम्पदा क्षेत्रमा उत्खनन सम्भव छैन, त्यसैले पहिलो चरणमा जमिनमुनि के–कस्तो भौतिक संरचना छ भन्ने पत्ता लगाउन जियोफिजिकल सर्वे गर्नुपर्ने देखिन्छ । 

जियोफिजिकल सर्वे खर्चिलो भएकाले बजेट व्यवस्थापन नगरी सम्भव नभएको उनले बताए । स्थानीय तह तथा अन्य कुनै निकायबाट बजेट उपलब्ध गराउनसके यसै वर्ष अन्यथा विभागमार्फत आउँदो आर्थिक वर्षमा बजेट छुट्याएर उक्त सर्वे गरिने गौतमले बताए ।

उनका अनुसार पाँचखाल नगरको निजी तथा सार्वजनिक क्षेत्रमा सम्पदा भेटिएकाले हाल जियोफिजिकल सर्वे उपयुक्त देखिन्छ । ‘प्रवधि महङ्गो भएकाले योजनाबद्ध तवरले लाग्नुपर्छ, पाँचखाल ऐतिहासिक सम्पदा क्षेत्रको सम्भावना देखिन्छ’, उनले भने । गौतमका अनुसार जियोफिजिकल सर्वे मेशिनले क्षेत्र तथा जमिनमुनि सात मिटरसम्मको भौतिक अवस्था पत्ता लगाउँछ । 

काभ्रेपलान्चोक पुरातत्त्व बचाऊ अभियानका संयोजक  श्री श्रीकष्ण धिमालले  चार बर्ष अगाडि हालको पाँचखाल नगरपालिका भित्र मानदेव , अशुबर्माकालिन र  मल्ल राजा शक्तिसिंहरामको दरवार र खजना रहेको लिखित निवेदन पुरातत्त्व विभागमा दर्ता गरेका थिए , सोही निवेदनको आधारमा पुरातत्त्व विभागले गएको बर्ष उत्खनन गरेको हो ।

धिमालले  भने तेमालकोट, बुचाकोट, मेथिनकोट, नगरकोट, काभ्रेकोट, सुलिकोट, अनेकोट, सल्लेकोट र भमरकोटको बीच क्षेत्रमा जमिनमुनिका सम्पदा हेर्न जियोफिजिकल सर्वे गर्न लागिएको हो  यसमा निवर्तमान  सञ्चारमन्त्री तथा काभ्रेपलान्चोक संघिय सांम्सद दुइका सांम्सद गोकुल बास्कोटाले विशेष चासो देखायर पटक पटक पर्यटन मन्त्रालयका सचिव सग मिटिङ गरेका छन ।

धिमालले भने प्राचीन पलाञ्चोक उपत्यका १२ औ र १३ औ शताब्दिमा नेपालको राजधानी रहेको  र जमिन मुनि महत्त्वपूर्ण सामाग्री रहेको बताउछन यो बर्ष नगरपालिका र केन्द्रीय सरकारले जग्गाअधिकरण, सम्पदा समरक्षणमा कदम नचाले सर्वोच्च अदालतमा मुद्दा दायर गर्ने पछि नपर्न चेतावनि समेत दिएका छन  ।

पाँचखाल क्षेत्रमा उत्खननका क्रममा भेटिएका सम्पदा सामग्री तथा स्तम्भ लिच्छविकालीन र मध्यकालीन ऐतिहासिक सम्पदा भएको पुष्टि गर्दै उत्खननमा सहभागी विभागका अधिकृत विष्णुप्रसाद पाठक र वरिष्ठ पुरातत्वविद् उद्धव आचार्यद्वारा तयार प्रतिवेदनमा पाँचखाल नपा–२ माल्टारमा अवस्थित विभिन्न व्यक्तिको खेतमा भेटिएका प्राचीन दरबारको गारो, २२ सेन्टिमिटर चौडाइ भएको इँटालगायतका सामग्री लिच्छविकालीन र मध्यकालीन ऐतिहासिक सम्पदा भएको उल्लेख छ ।

उत्खननका क्रममा भेटिएको अन्य आकारका इँटा र अँगारको थप अनुसन्धान गर्न बाँकी रहेको उल्लेख गर्दै श्रीरामपाटीमा तीन मिटर लम्बाइ र दुई मिटर चौडाइ उत्खनन गर्दा पक्की इँटाको गारोभित्र माटाको डुँडद्वारा पानी पाइपलाईन भेटिएको थियो । आचार्यले भने, ‘उत्खनन् क्षेत्रको संरक्षण र अवैध उत्खनन् रोक्नु आवश्यक छ ।’ स्थानीय प्रस्तर प्रयोग गरी एक मिटर ५० सेन्टिमिटरको आधार बनाई ६० सेन्टिरमिटर सुर मिलाएर गारो बलियो बनाइएको प्रतिवेदनमा उल्लेख गरिएको छ । 

पुरानो दरबार क्षेत्र रहेको भनिएको स्थानमा २४ इञ्चको ढुङ्गाको गारो कोठाकोठा तथा बाहिरी भागमा पर्खाल रहेको संरचना, माटोका भाँडाका टुक्रा, मसला पिँध्ने ढुङ्गाको खल, शिवलिङ्ग, ढुङ्गेधारा, रानीपोखरी भनिएको स्थानमा जमिनमुनि पाको माटोको डुँडबाट पानी ल्याउन बनाइएको पाइप तथा केही चौडा आकारका इँटा भेटिएको हो ।

पाँचखाल नगर क्षेत्रमा स्थानीय बुढापाकाले मानदेवको दरबार, रानीपोखरी, रानीपानीको कुवा, ढुङ्गेधारा र रानीपोखरी क्षेत्र करिब १२ रोपनीमा फैलिएको, खेतबारी खनजोत गर्ने क्रममा सयौँ वर्ष पुराना केही इँटा र सिक्का (मानाङ्क), घरको जग, भाँडाका टुक्रा फेला परेको बारे बताउँदै आएपछि पुरातत्व विभागले उक्त स्थानमा खोज अनुसन्धान थालेको हो । 

यस्तै पाँच महिनाअघि खोजका क्रममा पाँचखाल नगरपालिका–१३ स्थित तेमालबेंसीमा फेलापरेको ‘स्तम्भ’ प्राचीन भएको पुरातत्व विभागले पुष्टि गरेको छ । उक्त स्तम्भ प्राचीन शिखरशैली मन्दिरको मूलद्वार अघिल्तिर रहने दुई वटा थाममध्ये एउटा खण्ड हो भन्ने अनुमान गर्न सकिने विभागले जनाएको छ ।

नगरवासीले संवत् ४२५ मा मानदेव प्रथमको शासनकालमा पाँचखाल नपा–९ पलाञ्चोकमा स्थापित पलाञ्चोक भगवती मन्दिर रहेकाले पनि यस ऐतिहासिक क्षेत्रको खोज अनुसन्धान गरी संरक्षणको माग गर्दै आएका छन् ।

पाँचखाल नगर क्षेत्रमा भेटिएका सम्पदा सुरक्षार्थ जिल्ला प्रशासन कार्यालय काभ्रेपलाञ्चोकले सम्पदा क्षेत्रमा ‘खनजोत’ गर्न रोक लगाएको छ । पुरातत्व विभागको परिपत्रअनुसार स्थानीय प्रशासन कार्यालयले गत मङ्सिर २९ गते सम्पदा क्षेत्रमा ‘खनजोत’ नगर्न र गर्नुपरे विगागको स्वीकृति र सहमति गराउन पाँचखाल नपालाई पत्रमार्फत जानकारी गराएको थियो ।
    
    
    
    
 

प्रतिकृया दिनुहोस्

सम्बन्धित समाचार